Ўзбекистон Республикаси Президенти Ўзбекистон Республикаси Президентининг белгиси ва штандартига (байроғига) эга бўлди. “Ўзбекистон Республикаси Президенти фаолиятининг кафолатлари тўғрисида”ги Қонунига тегишли қўшимча киритилди.
Қонунда Президент белгиси ва штандарти (байроғи) тавсифи, улардан расмий фойдаланиш тартиби Президент томонидан белгиланади.
Ушбу Қонун расмий эълон қилинган кундан эътиборан кучга киради.
Маълумот ўрнида:
Штандарт – махсус турдаги байроқ. Хорижий давлатларда у президентлик белгиси (рамзи) ҳисобланади. Штандарт (байроқ) Президент иштирок этадиган барча муҳим тадбирларда, инаугурация (қасамёд қабул қилиш) пайтида ҳамда Президент қароргоҳларининг бинолари ва хизмат хоналарида кўтарилади.
Президент белгиси – Президентнинг фарқловчи расмий белгиси. Бу белги Президентлик лавозимига сайланган шахсни ўз лавозимига юклатилган оғир вазифаларни самарали амалга оширишида халқ ва жамият томонидан билдирилган ишонч белгиси сифатида хизмат қилади. Президент белгиси ушбу лавозимга сайланган шахсга лавозимга киришиш чоғида у қасамёд қабул қилганидан сўнг топширилади ва конституциявий ваколат муддати тугагунга қадар Президентда сақланади.
Тасодифий хабарлар
Путин журналистга: "АҚШдаги сайловларга аралашамиз. Фақат ҳеч кимга айтманг, хўпми?" (ВИДЕО)
Боғча мансабдорлари йил бошидан бери 1,3 тонна гўштни “еб юборган”
5 минг сўмлик ва 10 минг сўмлик янги купюраларнинг дизайни эълон қилинди (ФОТО)
Наманганда Cobalt йўл четидаги чуқурга тушиб кетди, йўловчи ҳалок бўлди
Telegram гуруҳли видеоқўнғироқлар пайдо бўлиши ҳақида хабар берди