Фарғона вилоятида салкам 685 млн. сўм пулни ноқонуний равишда эгаллаб, талон-тарож қилиб, ўз эҳтиёжларига ишлатиб юборган 7 та хакерга нисбатан суд ҳукми эълон қилинди.
Воқеа 2020 йил декабрда бошланган. "Замон" дастурига кўра, Усмонов ва Обидов банк тизимига рухсатсиз кириб, пул ўмаришга киришган. Уларнинг бундай йўл тутишига "Ҳумо" пластик картасидаги носозлик туртки бўлган.
Улар дастлаб банк ҳисобрақамидан битта пластик картага 104 млн. сўм, яна бошқа картага 16,7 млн., жами 121 млн. сўмдан ортиқ пулни ўтказишган.
Шунингдек, Усмонов жиноий ишини давом эттириб, бир неча кундан кейин яна 4 кишини бу ишга жалб қилган. Улар бир неча пластик карталарга жами 564,9 млн. сўмни банк ҳисобрақамидан ўғринча ўтказишган ва шахсий эҳтиёжларига ишлатиб юборган.
Тошлоқ тумани судида айбланувчиларнинг иши кўриб чиқилди. Улар Жиноят кодексининг 169-моддасига биноан айбдор деб топилди ва суд ҳукми эълон қилинди. Ҳукмга кўра, уларнинг 4 нафарига 5 йилдан ортиқ муддатга, биттаси 3 йилдан ортиқ озодликдан маҳрум қилинган. Икки нафарига давлат ҳисобига ойлик маош тўлаш шарти билан ахлоқ тузатиш калонияларига ҳукм қилинган.
Тасодифий хабарлар
“Толибон” бўйсунмас Панжшерга кира олмади
Путин карантинга кириши мумкинлигини маълум қилди
Зеленский махфий бункерга эвакуация қилинди
Олий суд таркибига ўзгартиришлар киритилди
Шавкат Мирзиёев коронавирусга қарши тўлиқ эмлангани маълум бўлди