Наманган вилояти ИИБ ЙҲХБ ходимлари «Қамчиқ» довонидаги вазиятдан огоҳлантирди.

Ўзбекистонда об-ҳаво кескин ўзгариб, довонда қор бўрон, айрим жойларда туман тушган, мошиналар ҳаракати ҳам пасайган, йўллар музлаб, ҳозирда тозалаш ишлари олиб борилмоқда.

Бошқарма ҳайдовчилардан бундай об-ҳаво шароитида қуйидагиларни сўраб қолган:

•    техник носозликлар, айниқса, руль бошқаруви ва тормоз тизимида носозликлари бўлган транспорт воситаларидан фойдаланмаслик;
•    иситиш тизими носоз бўлган, автотранспорт ойналари терлаб сунъий пардани ҳосил қилиб, кўринишни чеклайдиган транспорт воситаларидан фойдаланмаслик;
•    оралиқ масофани хавфсизлик даражасида ушлаш;
•    белгиланган тезлик талабларига аниқ риоя қилиш;
•    машинани маст ҳолда бошқармаслик.