Шу йил 14 июнь куни Ўзбекистон мусулмонлари идораси раиси, муфтий Усмонхон Алимов ҳазратлари бошчилигидаги бир гуруҳ уламоларнинг Наманган вилоятига ташрифлари бошланади. Бу ҳақида Ўзбекистон мусулмонлари идораси матбуот хизмати хабар берди.
Ташриф давомида маънавий-маърифий учрашувлар, олис ва чекка ҳудудлардаги аҳоли вакиллари билан юзма-юз мулоқотлар, таниқли уламолар иштирокида жоме масжидларда суҳбатлар ўтказилиши ва эҳтиёжманд оилалар ҳолидан хабар олиш каби хайрли ишларни амалга ошириш мақсад қилинган.
Шунингдек, вилоят аҳлини юртимизда бўлаётган ўзгаришлар мазмун-моҳияти ҳақида хабардор қилиш билан бир қаторда уларнинг дарду ташвишларига кўмаклашиш, фикр-мулоҳазаларини тинглаш ва диний соҳага тегишли муаммоларини жойида ўрганиб, бартараф этиш ҳам кўзда тутилган.
Қолаверса, ушбу мулоқот ва тадбирларда Ўзбекистон Республикаси Президенти маслаҳатчиси Шоазим Миноваров, Дин ишлари бўйича қўмита раиси Содиқжон Тошбоев ва бошқа мутасаддилар ҳам иштирок этиши режалаштирилган.
Аллоҳ таоло уламоларимиз сафарини хайрли ва манфаатли қилсин!
Тасодифий хабарлар
Тошкентда бир нечта ҳайдовчини ўлдириб, жасадларни сувга ташлаб юборган қотил Россияда ушланди
Вадим Абрамов мағлубиятда футболчилар ва мухлисларни сабаб қилиб кўрсатди
Ўзбекистонда газ соҳасидаги монополистнинг 188 млрд. сўмлик ноқонуний ҳаракатлари аниқланди
Мирзиёев Лукашенкога ҳайкал совға қилди
"Асалхоней" ўлдириб кетилди — шаҳар ИИББ