Ижтимоий тармоқда тарқалган Андижонда 25 май мактаб битирув кунида, кортеж қилиб машинанинг ойнасидан чиқиб сайр қилган битирувчиларга чора кўрилди

2021-05-31 19:50 2 229

Ижтимоий тармоқда 25 май куни мактаб ўқувчилари кортеж уюштириб, машинанинг ойнасидан чиқиб сайр қилганлиги зақидаги тарқалган видео лавҳа юзасидан маълумот:

Ҳолат жорий йилнинг 25 май куни, Андижон вилояти, Пахтаобод тумани, "Юқори" МФЙ ҳудудида содир бўлган. Ушбу ҳудудда хизмат олиб борган ЙПХ ходими О.Ортиқов томонидан жами 5 та "Ласетти" ва 1 та "Нексия-3" русумли автомобиллар тўхтатилган.

Автомобиллар ҳайдовчиларига нисбатан қоидабузарликлар бўйича тегишли тартибда маъмурий баённома расмийлаштирилиб, транспорт воситалари жарима майдонига жойлаштирилган.

Шундан сўнг, қоидабузарлик содир этган 11-синф битирувчиларининг ота-оналари, мактаб директори ва синф раҳбарлари ўртасида муҳокама ўтказилиб тегишли чоралар белгиланган.

Барча ҳайдовчилардан белгиланган қоидаларга риоя қилишларини, ота-оналардан ҳайдовчилик гувоҳномаси олмаган фарзандларига автотранспорт воситасини бошқаришига рухсат бермасликларини сўраймиз дейди, Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармаси ахборот хизмати сўнгги хабарида.

2021-05-31 19:50 2 229