Ўзбекистон Республикаси Вазирлар Маҳкамаси фармойиши билан Наманган шаҳрида «Гуллар фестивали»нинг 60 йиллик юбилейини юқори даражада ўтказиш бўйича вазифалар белгиланди.
Унга кўра, мазкур фестиваль 24-31 май кунлари халқаро миқёсда ўтказилиши белгиланган. Наманганда фестивалга тайёргарлик кўриш ва уни ўтказиш бўйича ташкилий қўмита таркиби тузилди.
Қўмита ўн беш кун муддатда фестивалга тайёргарлик кўриш ва уни юксак савияда ўтказиш бўйича чора-тадбирлар режаси ҳамда фестивални ўтказиш тартиби тўғрисидаги низомни ишлаб чиқади.
Фестивалга хорижий давлатлардан маҳоратли гулчилар, экибана санъати усталари, ландшафт дизайнерлари келиши ҳам назарда тутилмоқда.
Бундан ташқари, Наманган шаҳрининг асосий кўчаларида гуллар билан безатилган 150 та автотранспорт воситасидан иборат «Байрам паради» ўтказилади.
Заҳириддин Муҳаммад Бобур номидаги маданият ва истироҳат боғида ҳунармандчилик буюмлари, китоблар, фотосуратлар, миллий либослар намойиши ташкил этилади.
Тасодифий хабарлар
Мирзиёев янги маслаҳатчиси Чакрабарти билан нималарни муҳокама қилди?
Тошкентда машина монополиясини чизиб кетишди
Ўзбекистонликлар электромобиллар импортига қанча сарфлагани маълум бўлди
Пандора ҳисоботи: Гулнора Каримова миллионларни қандай қўлга киритгани фош қилинди
Кинопродюсер ўзбекистонлик стоматологни ўлдирди