8 апрель куни соат 14:55 ларда Наманганда Spark автомобилининг ағдарилиб кетиши оқибатида бир нафар йўловчи вафот этди, деб хабар беради вилоят ИИБ ахборот хизмати.
Маълум қилинишича, Наманган—Чортоқ йўлининг 36-километрида Spark русумли автомашинани бошқариб кетаётган ҳайдовчи ҳаракат хавфсизлигини таъминлай олмай, бошқарувни йўқотган. Оқибатда автомобиль йўлнинг ўнг четига чиқиб, ағдарилиб кетган.
Автомашинада бўлган 21 ёшли йўловчи оғир тан жароҳати олиб, шифохонада вафот этган. Шунингдек, машина ҳайдовчиси ҳамда яна икки нафар йўловчи турли тан жароҳатлари билан шифохонага ётқизилган.
Мазкур ҳолат бўйича шаҳар ИИО ФМБ ҳузуридаги Тергов бўлинмаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган.
Тасодифий хабарлар
Ливандаги қочқинлар лагерида кучли портлаш содир бўлди
СПОРТ МУСОБАҚАЛАРИ ЁШЛАРНИ БАҒРИГА ЧОРЛАМОҚДА
ИИВ полковниги ва санъаткор Икромжон Бўронов вафот этди
Қўлига пистолет олиб, “гоп-стоп”га чиққан учовлон қўлга олинди
Чимёнга борадиган йўл нега тўсиб қўйилаётгани ҳақида ИИБ маълумот берди