Эроннинг 132 шаҳрида масжидлар очилади

Эрон президенти Ҳасан Руҳоний 132 та шаҳарда масжидлар очилишини эълон қилди. Бу ҳақда бугун, 4 май куни «Tasnim» агентлиги хабар берди.

Масжидларга, коронавирус эпидемияси давом этаётгани учун, келувчилар сони чекланади ва барча эҳтиёт чоралар кўрилади.

Мамлакатда бунгача шаҳарлараро қатновлар очилиб, савдо марказлари ишлашига рухсат берилганди. Эрон — коронавирус энг кўп қайд этилган 10 мамлакатнинг бири.