Халқ депутатлари Наманган шаҳар кенгашининг навбатдан ташқари сессияси бўлиб ўтди.
Сессия ишида Президент маслаҳатчисининг ўринбосари Умар Исмоилов, вилоят ҳокими Хайрулло Бозоров иштирок этди.
Сессияда ташкилий масала кўрилди. Шу пайтгача “Ўзагрокимёҳимоя” акциядорлик жамияти бошқаруви раиси бўлиб ишлаб келган Олимжон Исаев Наманган шаҳар ҳокими этиб тайинланди.
Олимжон Исаев 1972 йили Наманганда туғилган. Тошкент давлат аграр университети ва Наманган давлат университетини тамомлаган.
Наманган шаҳридаги “Ифода агро кимё ҳимоя” корхонаси директори, вилоят фермерлар кенгаши раиси, “Мехмаш” МЧЖ кузатув кенгаши раиси вазифаларида ишлаган. 2018-йил май ойидан бери “Ўзагрокимёҳимоя” акциядорлик жамияти бошқарувига раислик қилиб келаётганди.
Эслатиб ўтамиз, Наманган шаҳрининг собиқ ҳокими Шавкатжон Абдураззақов кеча, 5-март куни Экология ва атроф-муҳитни муҳофаза қилиш давлат қўмитаси раиси лавозимига тасдиқланди.
Манба: Наманган шаҳар ҳокимлиги ахборот хизмати
Тасодифий хабарлар
Ўзбекистон мобил интернет тезлиги бўйича рейтингда 132-ўринни эгаллади
Ўзбекистон Ғазодаги шифохонага қилинган ҳужумни қоралади
МИБ Тошкентда 8 553 та машинани жарима майдонига жойлади
Аброр Мухтор Али оғир жудоликка учради
Расул Кушербоев Истеъмолчилар ҳуқуқини бузаётган “UzAuto Motors”ни жазолашни талаб қилмоқда