Мени йўқ қилишга уринаётган каналлар бор – Роналду

Португалия терма жамоаси сардори Криштиану Роналду танқидларга муносабат билдириб, уларга эътибор бермаслигини айтди. Футболчи танқидчиларнинг ҳужумларини милтиқдан отилган ўққа қиёслади. Бу ҳақда “Record” хабар берди.

“Мен 100 фоиз очиқ гапира олмайман... Сиёсий жиҳатдан тўғри бўлишим керак. Одатда, доим мени жуда яхши қабул қилишларини айтаман, аммо бу йил бошқача илиқликни ҳис қилдим. Мени йўқ қилишга уринаётган каналлар борлигини тушунаман, лекин бу фақат милтиқ билан қилинган ҳужум. Шунда ҳам мен ўқдан қочаман”, дейди Роналду.

Ҳужумчи танқидларга аллақачон кўникиб қолганини ҳам таъкидлаган.

Одамлар мени ёқтирмаслигига аллақачон ўрганиб қолганман ва буни назорат қила олмайман. Олти киши мени ёқтирмаса, бу менга таъсир қилмайди”, дейди футболчи.

41 ёшли Роналду бугун, 24 сентябрь куни Уэльсга қарши Миллатлар лигаси учрашувида Португалия терма жамоаси сафида майдонга тушиши кутилмоқда. Футболчи, шунингдек, кўпчилик уни терма жамоадан кетишини исташини айтди. Бироқ унинг мотивацияси фаолиятини давом эттиришини хоҳлаётган мухлислардан келаётганини таъкидлади.

Маълумот учун, Роналду 2003 йилдан буён Португалия терма жамоаси сафида ўйнаб келмоқда ва миллий жамоа тарихидаги энг яхши тўпурар ҳисобланади. У терма жамоа сафида 146 та гол урган. Роналду 2016 йилда Европа чемпионатида, шунингдек, 2019 ва 2025 йилларда Миллатлар лигасида ғолиб чиққан.