Россиянинг “Илифия” савдо белгиси ҳомиладорлар учун уй шароитида ишлатадиган ва қўлда кўтариб юрса ҳам бўладган ихчам қурилма ишлаб чиқарди. У ҳомиладорлик даврини ҳафтанинг 7 кунида 24 соат давомида назорат қила олади. Туғилажак боланинг юрак қисқаришлари, ҳаракат фаоллиги каби муҳим омиллар бўйича маълумот беради.
Бу ҳомиладор аёл билан бирга шифокорлар учун ҳам катта қулайлик бўлиб, хавфли вазиятлардан олдиндан огоҳ бўлиш ва зурур чорани вақтида кўриш имконини беради. Албатта, бу болаларнинг соғлом дунёга келишида асос бўлиб хизмат қилади.
Қурилма монитори сенсор экранга эга. Унда кўрсатилган маълумотларни мобил алоқа орқали шифокорга жўнатиш мумкин.
Мазкур “мўъжиза” Акушер-гинекология ва перинатология илмий марказида синовдан ўтказилди. Тиббиёт фанлари номзоди Юрий Набережневнинг айтишича, ушбу техника ҳомила ҳолатидан тўлиқ хабардор бўлишда тиббиёт муассасалардаги аппаратлардан қолишмайди. Айниқса, эгиз ва асоратли ҳомиладорликда ундан фойдаланиш бирламчи заруратга айланади.
Лекин ундаги натижалар орқали онанинг ўзи хулоса ясамайди, балки гинекологга жўнатади. Яъни, ташхис қўйиш шифокорга юкланади.
Тасодифий хабарлар
“Толибон” расмий Тошкент билан “Аср лойиҳаси” режасини ҳал қилишга уриняпти – ОАВ
Ўзбекистон яшаш учун энг арзон мамалакатлардан бири деб топилди
Тошкентда 15 июль куни коронавирус аниқланган аёл вафот этди
Ижтимоий тармоқларда Олмалиқ шаҳар ҳокимининг ўғли билан боғлиқ яна бир можароли видео тарқалди
Қирғизистон президенти: "Афғонистондаги жангариларнинг ҳомийлари Марказий Осиёга “кўз тикишган”