«Радиоалоқа, радиоэшиттириш ва телевидение маркази» ДУК 23 май куни тахминан соат 20:30ларда Тошкент телеминорасини чақмоқ ургани ва телеминора байроғи ёниши акс этган видео бўйича расмий маълумот берди.
Қайд этилишича, Тошкент шаҳридаги кузатилган ноқулай об-ҳаво шароити вақтида телеминорага тўғридан тўғри чақмоқ уриш ҳодисаси содир бўлмаган, видео олинган ракурсдан чақмоқ ургани қайд этилган бўлса-да, аслида чақмоқ содир бўлиши телеминорадан маълум бир масофада бўлиб ўтган.
“Тошкент телеминорасининг байроғи ёнган видео ҳам ёлғон хабар бўлиб, телеминора байроғи паст қисмидаги огоҳлантирувчи қизил чироқлар шуъласи байроққа тушиб ушбу ҳолатни акс эттирган”, дейилади хабарда.
Билдирилишича, Тошкент телеминораси кучли чақмоқ уришига қарши ҳимоя тизими ва ерга уланиш контурлари билан таъминланган бўлиб, чақмоқ уриш хавфидан тўлиқ ҳимояланган.
Бугунги кунда Тошкент телеминорасида барча техник қурилмалар барқарор ишлаётгани ва аҳолига телерадиодастурлар узлуксиз тарқатиб келинаётгани айтилган.
Тасодифий хабарлар
Келинини гумдон қилиш учун «киллер» ёллаган қайнона қўлга тушди
Гонконгда қуролли жиноятчилар 600 рулон ҳожатхона қоғозини ўғирлаб кетишди
Украина Қримдаги кўприкка зарба берди
Наманганда содир бўлган ЙТҲ оқибатида 2 велосипедчи халок бўлди
Россияда Қуръонни ёқиб юборган йигит 14 йилга қамалди (видео)