Тошкент шаҳрида 10 250 АҚШ доллари миқдоридаги қалбаки пулни 7 минг долларга сотмоқчи бўлган шахс ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Тошкент шаҳар бошқармаси ва бошқа ҳуқуқни муҳофаза қилувчи органлар ходимлари ҳамкорлигида тезкор тадбир ўтказилган. Унда фуқаро А.В. 10 250 АҚШ доллари миқдоридаги қалбаки банкнотларни фуқаро Р.З.га 7 минг долларга сотаётган вақтида ашёвий далиллар билан қўлга олинган.
Билдирилишича, мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилган. Ҳозирда тергов ҳаракатлари олиб борилмоқда.
Тасодифий хабарлар
Қайси давлатлар пандемиядан биринчи қутулиши башорат қилинди
Тезкор: Илк бор Ўзбекистон фуқаросида “omicron” вируси аниқланди
Ўзбекистонда олимлар коронавирусга қарши вакцина яратиш устида тадқиқотлар олиб бораётгани маълум бўлди
Олимлар коронавирусни 2 дақиқа ичида йўқ қилиш усулини топишди
Ўзбекистоннинг плей-оффга чиқиш эҳтимоли ўрганиб чиқилди