2023 йилнинг июль ойида Фарғона шаҳрида 11 яшар қизни зўрлаб, ўлдириб кетган вояга етмаган шахсларга ҳукм ўқилди. Бу ҳақда Фарғона вилояти судлари матбуот хизмати хабар берди.
Жорий йилнинг 15 январь куни жиноят ишлари бўйича Фарғона шаҳар судида судланувчилар Б.Х., М.С. ва Д.А.га оид жиноят иши ёпиқ суд мажлисида кўриб чиқилган.
Суд ҳукми билан судланувчи М.С.га Жиноят кодекси 25,97-моддаси 2-қисмининг “в,з,о” бандлари, 118-моддасининг 4-қисми, 119-моддасининг 4-қисми билан ушбу Кодекснинг 85-моддаси ҳамда 59-моддасининг 3-қисми тартибида 14 йил муддатга озодликдан маҳрум қилиш жазоси тайинланган. Яна бир судланувчи Д. А.га ҳам худди шу моддалар билан 13 йиллик қамоқ жазоси тайинланган.
Фарғонада ўлдириб кетилган қизалоқ иши бўйича қўшимча маълумотлар берилди
Учинчи судланувчи Б. Х. эса судланувчилар М. С. ва Д.А. томонидан содир этилган ўта оғир жиноятлар ҳақида аниқ билгани ҳолда ҳуқуқни муҳофаза қилувчи орган ходимларига айтмасдан, жиноятни яширгани учун Жиноят кодексининг 241-моддаси 2-қисми билан квалификация қилинган. Унга Жиноят кодекси 241-моддасининг 2-қисми билан Кодекснинг 62,84 прим 1-моддалари тартибида 2 йил муддатга озодликни чеклаш жазоси тайинланган.
Қайд этилишича, суд судланувчиларнинг вояга етмаганини ҳисобга олган ҳолда ҳукм чиқарган.
Тасодифий хабарлар
«Ўзгидромет» ҳафта охиригача кутилаётган об-ҳаво маълумотини эълон қилди
Гиннеснинг рекордлар китоби дунёдаги энг баланд аёлни тасдиқлади
Ҳиндистонлик тадбиркор турмуш ўртоғи учун “Тож Маҳал” қурдирди
Шавкат Мирзиёев: "Қийинчиликлардан, синовлардан хафа бўлмаслик керак"
Россия ҳарбийларининг тинкаси қуриди – Британия разведкаси