Наманган вилоятининг Янгиқўрғон туманида жорий йилнинг 14 октябрь куни 7 яшар қиз 38 ёшли қариндоши томонидан зўрланганди. Бугун, 24 декабрь куни жиноят ишлари бўйича Янгиқўрғон туман судида мазкур ҳолатга оид жиноят иши кўриб чиқилиб, суд ҳукми эълон қилинди. Бу ҳақда Олий суд матбуот котиби Азиз Обидов маълум қилди.
Ушбу жиноят иши Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқилди. Олдин ҳам судланиб, хавфли рецидивист деб топилган 38 ёшли эркак Б.С. суд ҳукмига мувофиқ 7 яшар қизчага нисбатан Жиноят кодексининг 112-моддаси (ўлдириш ёки зўрлик ишлатиш билан қўрқитиш) 1-қисми, 118-моддаси (номусга тегиш) 4-қисми ва 119-моддаси (жинсий эҳтиёжни зўрлик ишлатиб ғайритабиий усулда қондириш) 4-қисмида назарда тутилган жиноятларни содир этганликда айбли деб топилиб, унга 18 йил муддатга озодликдан маҳрум қилиш жазоси тайинланди.
Шунингдек, Жиноят кодексининг 34-моддаси (рецидив жиноят) 3-қисми “а” бандига асосан Б.С. ўта хавфли рецидивист деб топилди. Б.С. тайинланган жазо муддатининг дастлабки 3 йилини турмада, жазонинг қолган муддатини махсус тартибли колонияларда ўташи белгиланди.
Биринчи инстанция судининг ҳукми устидан тарафлар қонунда белгиланган тартиб ва муддатда Наманган вилоят судининг апелляция/кассация инстанциясига шикоят бериш ва протест келтиришга ҳақлилиги маълум қилинди.
Тасодифий хабарлар
ИИББ Тошкентдаги қимматбаҳо автомобиллар ҳайдовчиларини йиғди
Тошкентда Olx.uz орқали одамларни 80 миллион сўмга чув туширган «ҳарбий хизматчи» қўлга олинди
Самарқандлик фуқаро поликлиникага мурожаат қилди ва унда коронавирус аниқланди
Трамп касалхонага ётқизилди. Уни қандай препарат билан даволашаётгани маълум
Трамп баъзи давлат фуқароларига АҚШга киришни тақиқлади