Сешанбага ўтар кечаси Украина Россия томонидан эгалланган Луганск ва Бердянскдаги иккита аэродромга зарба бериш учун узоқ масофали ATACMS ракеталаридан фойдаланган. Бу ҳақда The Wall Street Journal ва Politico каби ғарб манбалари хабар берди.
Вазиятдан хабардор манбаларга кўра, сўнгги кунларда AҚШ томонидан Украинага оз сонли ATACMS ракеталарини яширин равишда юборилган. WSJ маълумотларига кўра, улар Украина қуролли кучларининг қарши ҳужумнинг муҳим босқичида рус қўшинларига узоқ масофадан зарбалар бериш қобилиятини кенгайтиради.
Киев узоқ вақтдан бери AҚШдан рус қўшинларининг орқа тарафдаги нишонларига зарба бериш учун узоқ масофага учувчи қуроллар сўраб келади.
Тақдим этилган ATACMS ракетасининг учиш масофаси тахминан 160 км ни ташкил қилади.
Сешанба куни Украина махсус операциялар кучлари вақтинча босиб олинган Бердянск ва Луганскдаги аэродромларда Россия ҳарбий техникасига ҳужум уюштирилгани, натижада турли модификациядаги тўққизта рус вертолёти, махсус техника, ҳаво ҳужумига қарши мудофаа мосламаси, ўқ-дорилар омбори йўқ қилинганини баён қилган.
Кейинроқ, Украина президенти Владимир Зеленский мазкур қуроллар ҳақидаги маълумотларни тасдиқлади.
Тасодифий хабарлар
Эртага Ўзбекистонда ҳарорат 35 даражагача иссиқ бўлади
«Ўзгидромет» навбатдаги шошилинч баёнот билан чиқди
Янгиқўрғон туманида бош мутахассис пора билан қўлга тушди
Собиқ ҳокимга унвони қайтариб берилди
Маданият вазири Украина масаласида ўз позициясини билдирди