Дам олиш кунлари об-ҳаво қандай бўлади?

Ўзбекистонда шанба ва якшанба кунлари ёғингарчилик бўлмайди. Ҳарорат кечалари −8…−13 даража, кундузи −2…+3, баъзи жойларда −5 даража атрофида бўлиши кутилмоқда.

Дам олиш кунлари Ўзбекистон ҳудудлари бўйича об-ҳавони ҳали ҳам совуқ антициклон белгилайди, дея хабар бермоқда «Ўзгидромет».

Ушбу кунларда республика бўйича ёғингарчилик кутилмайди, фақат 20−21 январь кунлари энг чекка жанубда бироз қор ёғиши мумкин.

Кундузи ҳаво ҳарорати −3…+2 даража бўлади. Дам олиш кунлари ҳаво ҳарорати кечалари −8…−13 даража, баъзи жойларда −15…−17 даражагача совийди. Кундуз кунлари −2…+3, баъзи жойларда -5 даражагача совиши кутилмоқда. Республика бўйича баъзи жойларга туман тушиши мумкин.

Шунингдек, республика йўлларида баъзи жойларда яхмалак юзага келиши сақланиб туради.