Қозоғистон газеталарида Шавкат Мирзиёевнинг катта интервьюси чоп этилди

Қозоғистон Республикаси марказий газеталарида Шавкат Мирзиёевнинг катта интервьюси чоп этилди. Бу ҳақда президент матбуот котиби Шерзод Асадов хабар берди. Интервью икки манбада, қозоғ ва рус тилларида чоп этилган.

Бугун, Президент Шавкат Мирзиёевнинг Қозоғистонга давлат ташрифи арафасида ушбу мамлакат марказий газеталари – “Егемен Қазақстан” ва “Казахстанская правда” саҳифаларида давлат раҳбарининг бугунги Ўзбекистон тараққиёти, икки томонлама муносабатларнинг ҳолати ва истиқболлари ҳамда Марказий Осиёдаги ҳамкорликка бағишланган катта интервьюси чоп этилди.