Абхазия парламенти депутати Алмасхон Ардзинба 30 сентябрдан 1 октябрга ўтар кечаси республика Ички ишлар вазирлиги биноси ёнида ноқонуний равишда эга бўлган “Калашников” автоматидан ўқ узди, дея хабар берди департамент матбуот хизмати.
Аниқлик киритилишича, депутат Ардзинба Ички ишлар вазирлиги биносига хизмат машинасида келган. Ноқонуний равишда олинган ва сақланаётган ўқотар қуролдан осмонга қарата 20 марта ўқ узган. Вазирлик биноси олдида ҳақоратли сўзлар билан бақириб, шовқин кўтарган.
Соқчилар бинога кириш дарвозаси атрофидаги воқеа жойини кўздан кечириш чоғида 20 та бўш ўқ гильзасини топди.
Шунингдек, пайшанба куни яна бир парламент депутати Гарри Кокая Абхазия ва Жанубий Осетия президентлари Аслан Бжания ва Анатолий Бибилов 1992-1993 йиллардаги Грузия-Абхазия уруши ғалабаси ва мустақиллик кунини нишонлаётган ресторан жойлашган Сухум соҳилида тўппончадан ўқ отди. Кокая воқеа жойига етиб келган полициячиларга ҳам қаршилик кўрсатган.
Эслатиб ўтамиз, бундан аввал Пермь давлат университетида собиқ талаба 8 кишини ўлдиргани, Германияда мижоз 20 ёшли ёқилғи қуйиш шахобчаси кассирини ниқоб тақишини талаб қилгани учун отиб ўлдиргани ҳамда Кобулда ҳавога ўқ узиш оқибатида 4 киши ҳалок бўлгани ҳақида хабар берилганди.
Тасодифий хабарлар
Фарғона вақти билан 15:45 да Ўзбекистон—Қирғизистон чегараси яқинида зилзила юз берди.
АҚШ элчихонаси «Грин карта» бўйича муҳим маълумот берди
Яланғоч ҳолда гулдаста кўтариб юрган эркак бўйича расмий маълумот берилди
Ўзбекистон ва Покистон ўртасида транзит савдоси тўғрисидаги битим тасдиқланди
Путин энди Арманистонга бора олмайди