Навоий вилоятининг Нурота туманида Nexia-2 ҳайдовчиси эътиборсизлиги сабаб бошқарувни йўқотиши оқибатида автомобиль ағдарилиб кетди, деб хабар беради ИИВ ЙҲХББ ахборот хизмати.
Маълум қилинишича, Жиззах вилоятига тегишли бўлган Nexia-2 русумли автомобиль Фориш—Нурота йўналиши бўйича ҳаракатланиб келаётиб, ҳайдовчи тезликни ҳисобга олмагани натижасида йўлнинг хавфли бурилиш қисмида ағдарилиб кетган.
Йўл транспорт ҳодисаси оқибатида ҳайдовчининг машина ичида йўловчи сифатида кетаётган 1946 йилдан туғилган онаси воқеа жойида вафот этган.
Ҳозирда мазкур ҳолат юзасидан Нурота тумани ИИБ Тергов бўлими томонидан дастлабки тергов ҳаракатлари олиб борилмоқда.
Аввалроқ Тошкент—Ўш йўлида икки Isuzu юк машинаси тўқнашиб, улардан бири ағдарилиб кетгани, Сурхондарёда Nexia ва Matiz тўқнашуви оқибатида бир киши вафот этгани, Қашқадарёда Lacetti билан тўқнашган Cobalt ағдарилиб кетгани тўғрисида хабар берилганди.
Тасодифий хабарлар
Навоийда ИИБ ходими пичоқланди
Ўзбекистонда қаттиқ карантин нега жорий этилмаётгани айтилди
Фарғонадан Волгоградга мунтазам қатновлар йўлга қўйилди
Хитой-ўзбек вакцинасининг иккинчи ва учинчи дозалари билан эмлаш вақтинча тўхтатилди
Келаси ҳафтадан Ўзбекистонда аҳолидан тест олиниши режалаштирилмоқда