Тошкент шаҳар бош имом-хатиби Нуриддин Холиқназаров Ўзбекистон мусулмонлари идораси раиси, муфтий лавозимига асосий даъвогар бўлиб турибди.
У бунгача Тошкент шаҳар имом-хатиби лавозимида ишлаб келаётган эди. У бугун Президент Шавкат Мирзиёев билан бирга Шаҳидлар хиёбонида марҳумларнинг ҳақига дуо ўқиган.
Нуриддин Холиқназаров 1968 йилда Андижон вилояти Асака шаҳрида таваллуд топган. 1992 йилда Бухоро шаҳридаги Мир Араб мадрасасини, 1998 йилда Имом Бухорий номли Тошкент ислом институтини, 2007 йилда Фарғона давлат университетини тамомлаган.
Иш фаолияти давомида Андижон вилояти Асака шаҳри “Аҳмадали Махдум” жоме масжиди имом-хатиби, Тошкент шаҳри Юнусобод тумани “Оқ тепа” жоме масжиди имом-хатиби ва Ўзбекистон мусулмонлар идорасининг Андижон вилояти вакили, вилоят бош имом-хатиби вазифаларида меҳнат қилган.
Эслатиб ўтиш керак, Ўзбекистон мусулмонлар идорасининг аввалги раҳбари Усмонхон Алимов 15 август куни 71 ёшида вафот этганди.
Тасодифий хабарлар
Олимпиада сиёсий манипуляция саҳнаси эмас – Хитой бойкотчиларга жавоб қайтарди
Ўзбекистонда ким кўпроқ жиноят содир этган? эркаклар ёки аёллар?
Шифохона биносидан ўзини ташлаб ҳалок бўлган эркак — Бош прокуратура тафсилотларни очиқлади
Косонда мажбурий меҳнатга йўл қўйган бош шифокор жазоланди
Йил бошидан Ўзбекистонда энг кўп қайси автомобил ишлаб чиқарилган?