Кеча, 16 июль куни Наманган вилоятида тўрт кишининг ўлимига сабаб бўлган иккита мудҳиш йўл-транспорт ҳодисаси содир бўлди. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар тарқатди.
Маълум бўлишича, вилоятининг соат 10:00ларда Тўрақўрғон туманида яшаган 42 ёшли А.Р. бошқарувидаги “Nexia” русумли автомашинасини Шохидон маҳалла ҳудудидан ўтувчи Фарғона ҳалқа йўлида ҳайдаб кетаётиб, қарама-қарши томондан ҳаракатланиб келаётган 30 ёшли Р.А.бошқарувидаги “Captiva” русумли автомашинаси билан тўқнашув содир этган.
Натижада “Nexia” автомашинаси ҳайдовчиси ва унинг йўловчи сифатида кетаётган 36 ёшли укаси А.Р.лар жароҳат олиб, воқеа жойида вафот этганлар, ҳамда яна бир йўловчиси 37 ёшли Т.Р. исмли аёл касалхонага ётқизилган.
Иккинчи ЙТҲ соат 20:20да Фарғона ҳалқа йўлида рўй берган. 28 ёшли И.П. бошқарувидаги “М-412” русумли автомашинасини ҳайдаб кетаётиб, қарама-қарши томондан ҳаракатланиб келаётган 68 ёшли Н.А. бошқарувидаги “Tico” русумли автомашина билан тўқнашиб кетган.
Натижада “Tico” автомашинаси ҳайдовчиси жароҳат олиб воқеа жойида ва унинг йўловчиси 67 ёшли М.М. касалхонада вафот этган. Шунингдек, яна 2 нафар йўловчилари жароҳат олиб касалхонага ётқизилганлар.
Ҳар иккала ЙТҲ юзасидан жиноят иши қўзғатилиб, тергов ҳаракатлари олиб борилмоқда.
Тасодифий хабарлар
Музлатгич катталигидаги астероид Ерга тушиши мумкин
Ўзбекистонда коронавирусга чалинганлар сони 100 000 га яқинлашмоқда
Машина ойналарини қорайтириш нархи арзонлашадими? Қарорлар халқ учунми ёки аксинча?..
Пойтахт ИИББ тизимида тўрт мансабдор лавозимидан озод этилди
"Қаршида аёлларни зўрлаш бошландими? Прокурор, судьялар сотилганми? Даҳшат!"