Бухоро вилоятидан бир йўла 50 нафар бемор соғайди, дея хабар бермоқда ССВ матбуот хизмати.
Таъкидланишича, бугун, 26 апрель куни Бухоро вилоятидан бир йўла 50 нафар бемор тўлиқ соғайди. Беморларнинг 23 нафари вилоят юқумли касалликлар шифохонасидан, 27 нафари эса вилоят кўп тармоқли тиббиёт марказидан чиққан. Улар вилоят соғлиқни сақлаш бошқармаси масъуллари иштирокида реабилитацияга кузатилган.
Шифо топганларнинг 44 нафари Россиядан, 6 нафари эса Туркиядан чартер рейслар орқали Бухорога олиб келинган ва карантинга олинган.
Коронавирус инфекцияси тасдиқлангач, ихтисослашган шифохонага жойлаштирилган. Улардан 43 нафари эркак, 7 нафари аёл. Беморларнинг 9 нафари Самарқанд вилоятидан, Бухоро ва Қашқадарё вилоятларидан 8 нафардан, 5 нафари Андижон вилоятидан, Қорақалпоғистон Республикаси ва Наманган вилоятидан 4 нафардан, 3 нафар Тошкент шаҳридан бўлса, Хоразм, Фарғона ва Сирдарё вилоятларидан 2 нафардан, Жиззах, Тошкент ва Сурхондарё вилоятларидан 1 нафардан. Улар орасида энг ёши каттаси 59 ёшда бўлса, энг ёши кичиги 5 ёшли қизалоқ.
Бухоро вилояти бўйича шу пайтга қадар 210 нафар бемор соғайган бўлса, эндиликда улар 260 нафарга етди. Ўзбекистонда беморларнинг соғайиб чиқиши бўйича Тошкент шаҳридан кейин энг юқори кўрсаткич Бухоро вилоятидан қайд этилмоқда.
Ҳозирда Республика бўйлаб коронавирус инфекциясидан соғайган беморлар 757 нафарни ташкил этмоқда.
Тасодифий хабарлар
Электрошокер ва электродубинкалар. Ички ишлар ходимлари янги қуролдан қандай вазиятда фойдаланади?
Коронавирус куз-қиш мавсумида ўта хавфли формага айланиши мумкин
Рамазон ойи қачон бошланиши маълум қилинди
Geoaxborot, telemeditsina va avtomatik tashxis — superkompyuterning yana qanday imkoniyatlari bor?
Президент маслаҳатчисига биринчи ўринбосар тайинланди