Хотира кунида қабристонни зиёрат қилишга рухсат бериладими? Мутахассис аниқлик киритди

Бугун АОКА ҳузуридаги штабда Ички ишлар вазирлиги ахборот хизмати раҳбари Ш.Ғиёсов иштирокида брифинг бўлиб ўтди.

Брифинг давомида “9-май байрами яқинлашиб келмоқда, Хотира ва қадрлаш кунида кўпчилик ота-боболарининг қабрларини зиёрат қилишга боради. Ҳар йили бу одат тусига кирган. Карантин даврида нима бўлади? Қабристонларга боришга рухсат этиладими”, деган савол билан мурожаат қилинди.

Та’кидланишича, ҳукумат томонидан, илгари ўтказилиши режалаштирилган айрим тадбирларни, я’ни диний маросимлар, хотира ва қадрлаш ҳамда шунга ўхшаган тадбирларни карантин талабларидан келиб чиқиб, вақтинча чеклаш бўйича қарор қабул қилинган.

“Карантин чекловлари юмшатилиб, ушбу турдаги маросимлар ва байрам тадбирларига рухсат берилиши билан, жамоатчиликка бу ҳақда зудлик билан етказилади.
Тўғри тушуниб, карантин қоидаларига риоя этаётганингиз учун миннатдорлик билдирамиз”, деди Ш. Ғиёсов .