“Мустақиллигимизни бериб қўямиз? Бунақа бўлмайди” – Президент ЕОИИга қўшилиш ҳақида

Шавкат Мирзиёев янги сайланган Ўзбекистон Сенатининг биринчи ялпи мажлисидаги чиқишида гапирди.

Ўзбекистон Евросиё иқтисодий иттифоқига кузатувчи мақомида қўшилмоқчи. Бу ҳақда президент Шавкат Мирзиёев янги сайланган Ўзбекистон Сенатининг биринчи ялпи мажлисидаги чиқишида айтиб ўтди. “Интеграциялашув ҳақида икки оғиз. Мустақиллигимизни бериб қўямиз, деган гаплар шунчаки ҳою-ҳавас гаплар. Ким бериб қўяди мустақилликни? Бунақа бўлмайди. Бундан ташқари, кузатувчи дегани — аъзо дегани ҳам эмас. Биз кузатувчи мақомида нима яхши, нима ёмонлигини кузатамиз. Асосий ўринда халқ манфаатлари туради”, дейди президент.