Бугун, 13-январ куни Тошкент шаҳар ҳокимлигида Халқ депутатлари Тошкент шаҳар Кенгашининг биринчи сессияси бўлиб ўтмоқда. Унда шаҳар ҳокими вазифасини бажариб калаётган Жаҳонгир Ортиқхўжаев расман Тошкент шаҳар ҳокими лавозимига тасдиқланди.
Бош вазир Тақдимномани ўқиб эшиттирди
Сессияда Бош вазир Абдулла Арипов Ўзбекистон Президенти томонидан Тошкент шаҳар ҳокими лавозимига 48-Тинчлик сайлов округидан сайланган депутат Ортиқхўжаев Жаҳонгир Абидовичнинг номзодини Халқ депутатлари Тошкент шаҳар Кенгаши сессиясида тасдиқлаш тўғрисида Тақдимномани ўқиб эшиттирди.
Номзод бир овоздан тасдиқланди
“Маҳаллий давлат ҳокимияти тўғрисида”ги Ўзбекистон Қонунининг 2-моддасига мувофиқ халқ депутатлари Тошкент шаҳар Кенгаши “Ўзбекистон Республикаси Президенти томонидан Тошкент шаҳар ҳокими лавозимига тақдим этилган номзодини тасдиқлаш тўғрисида”ги қарорини бир овоздан ма’қуллади.
Кенгаш номзодларни тасдиқлади
Регламентга мувофиқ, сессияда “Халқ депутатлари Тошкент шаҳар ва туман Кенгашлари депутатлари Қўшма мажлиси Маслаҳат Кенгаши азолигига номзодни тавсия этиш тўғрисида”ги масала ҳам кўриб чиқилди ва Халқ депутатлари Тошкент шаҳар Кенгашининг қарори билан таклиф этилган номзодлар тасдиқланди.
Эслати ўтамиз, бугун Тошкент шаҳар ҳокимлигида ўтказилган сессия кун тартибига мувофиқ, “Халқ депутатлари Тошкент шаҳар Кенгашига сиёсий партиялардан сайланган депутатларнинг партия гуруҳларини рўйхатга олиш тўғрисида”ги масала кўриб чиқилди.
Тасодифий хабарлар
Хотира: Обид Асомов интернетда сўкинадиганлар ҳақида нима деганди? (видео)
ДЙҲХХ инспектори ҳайдовчилик гувоҳномангизни олиб қўйишга ҳақлими?
Алиев ва Эрдўған арманлардан озод қилинган Фузулида янги халқаро аэропортни очиб берди
Америка сиёсати тарихидаги энг буюк фирибгарлик
Ғузорда эр собиқ хотинининг иккита машинасини ёқиб юборди