АҚШ Президенти Дональд Трамп маъмурияти мамлакатга кириш учун ариза топширишда 15 минг долларгача гаров пули киритиш талаб этиладиган давлатлар рўйхатини кенгайтирди. Бу ҳақда “Associated Press” хабар берди.
Қайд этилишича, рўйхатга Бутан, Ботсвана, Марказий Африка Республикаси, Гвинея, Гвинея-Бисау, Намибия ва Туркманистон қўшилган. Эндиликда ушбу рўйхатда 13 та давлат бор бўлиб, уларнинг деярли барчаси Африка мамлакатлари ҳисобланади.
Нашр маълумотига кўра, янги қоидалар жорий йил 1 январдан кучга кирган. Улар амалдаги талабларни тўлдиради: шахсий суҳбатдан ўтиш, ижтимоий тармоқлар, аввалги сафарлар ва оила аъзоларининг яшаш шароитлари ҳақидаги маълумотларни тақдим этиш. АҚШ расмийлари гаров пули виза шартларига риоя этилишини кафолатлашга хизмат қилишини таъкидламоқда.
Агар виза берилмаса ёки аризачи виза режимини бузмаганини тасдиқласа, киритилган сумма қайтарилади. Бунгача мазкур рўйхатга Мавритания, Сан-Томе ва Принсипи, Танзания, Гамбия, Малави ҳамда Замбия киритилган.
Тасодифий хабарлар
Наманганнинг Чорсу бозорида ёнғин содир бўлди
Янгиқўрғон туманида бош мутахассис пора билан қўлга тушди
ИТБ электрон тўлов платформасини ишга туширди
IIV Malaka oshirish institutiga yangi rahbar tayinlandi
Янги йил тадбирларини 30 кишидан кўпроқ жамоа билан ҳам нишонлашга рухсат берилди