Украина Россия билан музокарага тайёр — Хитой ТИВ

Украина ташқи ишлар вазири Дмитрий Кулеба Гуанчжоуда хитойлик ҳамкасби Ван И билан учрашувда Киев Москва билан музокараларга тайёр эканини айтди. Бу ҳақда Хитой ТИВ баёнотида хабар берилди.

Украина томони Россия томони билан мулоқот ва музокараларга тайёр. Албатта, музокаралар адолатли ва мустаҳкам тинчликка эришишга қаратилган, оқилона ва мазмунли бўлиши керак, дея Кулеба сўзларидан иқтибос келтирган Хитой ТИВ.

Украина ушбу хабарга ва унинг ҳақиқийлигига изоҳ бермаган.

Хитой ТИВ маълумотларига кўра, Кулеба Украина Хитой ва Бразилия 2024 йил май ойида тақдим этган тинчлик режасини “диққат билан ўрганганини” айтган.

Reutersъга кўра, Кулеба ва Ван Йи ўртасидаги музокаралар уч соатдан ортиқ давом этган.

Режалаштирилгандан узоқроқ. Бу жуда чуқур ва аниқ суҳбат бўлди, дейди Украина делегациясидаги суҳбатдошлардан бири.

Россия президенти матбуот котиби Дмитрий Песков Хитой ТИВ хабарини шарҳлар экан, Москва Киев билан ҳеч қачон музокаралардан бош тортмаганини айтган.

Россия ҳеч қачон музокаралардан бош тортмаган. У ҳар доим уларга очиқ эди. Бу ерда биз ҳали билмаган тафсилотлар муҳим, биз қўшимча тушунтиришларни кутамиз, дея таъкидлаган Кремль вакили.

Украина ТИВ раҳбари Дмитрий Кулеба 23 июль куни амалий ташриф билан Хитойга ташриф буюрган эди.

Аввалроқ Украина президенти Владимир Зеленский Киев Россия президенти Владимир Путин билан тинчлик музокараларини фақат воситачилар орқали ўтказиши мумкинлигини айтган.