А-373 Тошкент–Наманган автомобиль йўлининг 100 км қисмида интеллектуал транспорт тизимини жорий қилиш кўзда тутилган. Лойиҳада қурилиш-монтаж ишлари жорий йилнинг 2-чорагида бошланиши режалаштирилган.
Ғузор–Бухоро–Нукус–Бейнеу автомобиль йўлининг бир қисмини реконструкция қилиш лойиҳаси доирасида Интеллектуал транспорт тизими компоненти амалга оширилмоқда.
Автомобиль йўллари қўмитаси ахборот хизматининг маълум қилишича, лойиҳага иккита нуфузли хорижий компаниялар томонидан қизиқиш билдирилиб, улар томонидан тендер таклифлари тақдим этилган.
Барча шартлар бўйича ўтказилган тендер савдолари натижаларига кўра, пудратчи компания сифатида Хитойнинг «China Machinery Engineering Group Corporation» ва «CTFO JETON Technology Co. Ltd» консорциуми ғолиб деб топилди. Автомобиль йўллари қўмитаси тасарруфидаги «Автойўлинвест» агентлиги ва «CMEC-JETON» консорциуми ўртасида шартнома имзоланди.
Қайд этилишича, реконструкция лойиҳаси доирасида цемент-бетон қопламали 2 тасмали йўл қурилиши ишлари амалга оширилмоқда. Айнан шу лойиҳа компоненти сифатида А-373 Тошкент–Наманган автомобиль йўлининг 100 км қисмида интеллектуал транспорт тизимини жорий қилиш кўзда тутилган. Лойиҳада қурилиш-монтаж ишлари жорий йилнинг 2-чорагида бошланиши режалаштирилган.
Тасодифий хабарлар
Қизлар мактабларда миллий рўмол ва дўппида бўлишлари мумкин
Мирзиёев бевосита томоша қилган беллашувда Давлат Бобонов жаҳон чемпиони бўлди
Нашриётлар қандай рўйхатга олинади?
Қайнисинглисига болта билан ҳамла қилган шахсга ҳукм ўқилди
Қирғизистон президенти: "Афғонистондаги жангариларнинг ҳомийлари Марказий Осиёга “кўз тикишган”