Саудия Арабистонининг Жидда шаҳрида жойлашган марказий темир йўл станциясида кучли ёнғин содир бўлди. Бунинг натижасида ўн киши жароҳат олгани хабар қилинмоқда. Дастлабки маълумотларга кўра, ёнғин бино томидан бошланган. Ҳозирда темир йўл алоқаси вақтинча тўхтатиб қўйилди.
Эслатиб ўтамиз, «Ал-Ҳарамайн» темир йўллари Саудия Арабистонининг иккита муқаддас шаҳри — Макка ва Мадинани Қизил денгиз соҳилида жойлашган Жидда порти билан боғлайди. Ушбу маршрутнинг узунлиги тахминан 450 километрни ташкил этади, қиймати эса етти миллиард доллардан зиёдга баҳоланган.
Туризмни ривожлантириш лойиҳаси доирасида қурилган «Ал Ҳарамайн» йўлининг расмий очилиш маросими ўтган йилнинг сентябр ойида бўлиб ўтган эди.
Кейинги куни Саудия Арабистони биринчи марта 49 та давлат фуқаролари учун сайёҳлик визаларини жорий этаётганини маълум қилди.
Манба: azon.uz САУДИЯ АРАБИСТОНИ
Тасодифий хабарлар
Банкоматларни «қурутмоқчи» бўлган 3 нафар ҳарбий қўлга олинди
Илон Маск дунёдаги илк триллионерга айланиши мумкин
Янги ўқув йили учун ОТМларга ҳужжат топшириш бошланди
Европа Иттифоқи дипломатлари Наврўзга атаб ўзбекча шеър ўқиди (видео)
Хабиб Нурмагомедов Ўзбекистонда иш бошлайди