Эндиликда Ўзбекистонда тадбиркорлар томонидан ўрнатилган фото ва видео радарлар 5 тадан ортиқ қоидабузарликни хато аниқласа, унга бўлган мулк ҳуқуқи бекор бўлади. Бу республика Вазирлар Маҳкамаси томонидан қабул қилинган “Йўл ҳаракати хавфсизлигини таъминлаш соҳасига хусусий секторни жалб этишга доир қўшимча чора-тадбирлар тўғрисида” 2021 йил 21 апрелдаги 232-сон қарорига ўзгартириш ва қўшимчалар киритиш ҳақида” ги қарорда назарда тутилган.
Унга кўра, кузатув камералари орқали автоматлаштирилган ахборот тизимига юборилган маълумотлардаги хатоликларнинг умумий сони беш ва ундан ортиқ миқдорни ташкил этcа, тадбиркорлик субъектининг объектга бўлган мулк ҳуқуқи суд орқали бекор қилинади.
Шунингдек, тадбиркорлик субъектлари томонидан автомобиль йўлларида йўл ҳаракати қоидалари бузилганини аниқлайдиган фото ва видео қайд этиш дастурий-техник воситаларини ўрнатиш ва ишга тушириш муддати 60 кундан 180 кунга узайтирилади.
Йўл ҳаракати қоидабузарликларидан ундирилган жарима суммаси тақсимланишида тадбиркорлик субъектларига берилган имтиёзли давр 1 йилдан 2 йилга узайтирилади.
Тасодифий хабарлар
Бугун кундуз куни Ўзбекистонда қандай об-ҳаво кутилади?
«БИЗ ИШЧИГА ЗОРМИЗ!» Ҳоким ўринбосари 2-3 миллион сўм ойликка одамлар ишлашни истамаётганини маълум қилди
Сардобада ваҳима тарқалди. Ҳоким одамларни тинчлантиришга чиқди
Тошкентда ОИВга чалинган бўлса-да, мижозларга интим хизмат кўрсатаётган “трансвестит” шахслар аниқланди
Тезкор: Тўрақўрғон марказий шифохонаси карантинга олинди