Ўзбекистонга келадиган инвесторлар аввал “газинг, сувинг, “свет”инг борми, аэропортларинг ишлаб турибдими, коррупция жиловланганми”, деб сўрайди. Бу ҳақда Ўзбекистон Президенти Шавкат Мирзиёев Қорақалпоғистоннинг Беруний туманидаги учрашув чоғида маълум қилди.
Президентга кўра, Тахиатош электростанцияси 65 йил аввал қурилган, бугунги кун талабларига жавоб бера олмайди. Шунинг учун борларининг қувватини ошириб бориш билан бирга, янги ва инновацион қувватларни ҳам йўлга қўйяпти.
“Бизга келадиган инвесторлар аввал сўрайди – газинг, сувинг, светинг борми, аэропортларинг ишлаб турибдими, коррупция жиловланганми, дейди. Биз бунга муносиб жавоб беришимиз керак. Навоийда қуёш электр станциясини қурдик, энди навбат шамол энергиясига, буни ҳам бажарамиз. Агар бу лойиҳа тўлиқ ишга тушса, 110 минг аҳоли электр энергияси билан таъминланади. Ҳозир Қорақалпоғистонда ҳамма раҳбарлар ишлаяпти. Бирорта туман эътибордан четда қолмайди. Мақсадимиз - ҳудуд иқтисодиётини, салоҳиятини икки баробар ошириш” дейди Шавкат Мирзиёев.
Давлат раҳбарининг таъкидланишича, Саудия Арабистонининг “ACWA Power” компанияси 20га яқин етакчи компаниялар ўртасида ўтган танловда 1 киловатт соат электр энергияси учун 2,57 АҚШ центи тариф таклифи билан ғолиб деб топилган. Бу ҳам адолат, рақобатдир.
Қайд этилишича, “ACWA Power” компанияси 100 МВт қувватли янги шамол электр станциясини қуради. Мазкур электр станция 2 йил ичида, яъни 2024 йилда ишга туширилади.
Тасодифий хабарлар
Сайёр савдо нуқталари орқали кийим-кечак савдосига рухсат берилади
1 январдан 9 та агентлик тугатилади – рўйхат
2022 йил “Тез ёрдам”га қанча чақириқ келиб тушди?
Журналистни ҳибсга олган ички ишлар ходимига хизмат текшируви тайинланди
Эртага Ўзбекистоннинг айрим худудларида «ёзнинг иссиғи» бўлиши кутиляпти