Жорий йилнинг 8 январ куни Хитойда юз берган 6,9 магнитудали зилзила оқибатида мамлакат шимоли-ғарбидаги Буюк Хитой деворининг икки метрли қисми қулаб тушди. Бу ҳақда ТАСС хабар берди.
Қайд этилишича, 8 январ куни Тсинхай провинсиясининг Менюан Хуй автоном округида кучли зилзила содир бўлган. Оқибатда қўшни Гансу провинсиясидаги Шандан округида Буюк Хитой деворининг икки метрли қисми қулаб тушган. Қулаш зилзила эпицентридан 114 км узоқликда содир бўлган.
Деворнинг қулаган қисми Мин сулоласи даврида (1368 - 1644) қурилган. Айни вақтда реставраторлар ушбу ҳудудда ҳимоя иншоотини қуриб, реставрация ишларини бошлаб юборишган. Зилзила оқибатида ҳеч ким ҳалок бўлмаган, бироқ 9 киши жароҳатланган.
Буюк Хитой девори - Шимолий Хитой ва Мўғулистоннинг жанубидаги бир қатор мудофаа иншоотлари. Буюк Хитой девори – қадимий архитектуранинг энг машҳур ёдгорлиги. У Хитой шимоли бўйлаб 8000 километрга чўзилган бўлиб, Осмон ости мамлакатининг ажралмас қисми саналади. Бу иншоотни қуришда юз минглаб ишчилар ўн йиллар давомида меҳнат қилган.
Деворнинг энг узун ва энг яхши сақланиб қолган қисми Минг даврида (1368-1644) қурилган. У шимоли-шарқий Лиаонинг провинсиясидан шимоли-ғарбий Гансу провинсиясигача чўзилгани айтилади. Узунлиги тахминан 8850 км.
Тасодифий хабарлар
Умра зиёратига боришни хоҳловчилар энди 14 кун кутишмайди
Toshkentda savdo majmuasi qulashi oqibatida 4 kishi vafot etdi
Ўзбекистонда маҳсулотбай кооперация тизими йўлга қўйилади
Расман: Мақсуда Ворисова президентликка номзод бўлди
2020 йилдаги марраларга эришилгани учун "UzAuto Motors" ўз ишчиларини тақдирлади (рус)