Қозоғистон пойтахти Нур-Султонда Алишер Навоий ҳайкали ўрнатилади. Бу ҳақда Президент Қосим-Жомарт Тўқаев Ўзбекистон ва Қозоғистон расмий делегациялари иштирокидаги музокаралар вақтида айтиб ўтди.
Қозоғистон етакчиси икки халқнинг маънавий яқинлиги ва кўп асрлик дўстлиги рамзи сифатида пойтахтда Навоий ҳайкали ўрнатилишини таъкидлаган.
Музокаралар давомида гуманитар алмашинувларни кенгайтириш, таълим, фан, соғлиқни сақлаш, маданият ва санъат, туризм ва спорт соҳаларидаги ҳамкорликни мустаҳкамлаш масалалари ҳам муҳокама қилинган.
Шунингдек, томонлар Марказий Осиёда тинчлик ва барқарорликни таъминлаш мақсадида ўзаро манфаатлар ва минтақавий яқинлашув ғояларини илгари сурган ҳолда ташқи сиёсат соҳасида яқиндан ҳамкорлик қилиш истагини билдирдилар. Президентлар Марказий Осиё давлат раҳбарларининг Маслаҳат учрашувлари форматини иштирокчи давлатлар манфаатларига қатъий ҳурмат асосида мавжуд салоҳиятлардан максимал даражада тўлиқ фойдаланиш мақсадида такомиллаштириш йўлида мақсадли иш олиб боришга келишиб олган.
Тасодифий хабарлар
Наманганда укасини пичоқлаган “ака”га суд ҳукми ўқилди
Давлат хизматлари марказлари стикер бермайди
Алишер Усмоновнинг виллалари тинтув қилинмоқда
Namanganlik ayol tanish yigit bilan aroq ichib, so‘ng uni pichoqlab o‘ldirdi
9 нафар ҳоким ишдан олиниши мумкин