Европа Иттифоқи Афғонистонга ёрдам кўрсатиш учун Термиз шаҳрида гуманитар хаб ташкил этади. Бу ҳақда Ташқи ишлар вазирлиги Матбуот хизмати хабар берди.
Вазирликнинг маълум қилишича, кеча, 15 ноябрь куни Ўзбекистон Республикаси Президентининг Афғонистон бўйича Махсус вакили Исматулла Иргашев Брюссель шаҳрида Европа Иттифоқининг Афғонистон бўйича махсус вакили Томас Никлассон билан музокаралар ўтказган.
Суҳбат чоғида Ўзбекистон ва Европа Иттифоқининг афғон инқирозини тинч йўл билан ҳал этиш, шунингдек, мамлакатга тез фурсатда инсонпарварлик ва бошқа ёрдам кўрсатиш борасидаги саъй-ҳаракатлари муҳокама қилинган.
Томас Никлассон Ўзбекистоннинг Европа Иттифоқига аъзо давлатлар фуқароларини Афғонистондан эвакуация қилишда кўрсатаётган ёрдамини юқори баҳолади ҳамда Афғонистонда тинчлик ва барқарорликни ўрнатиш, шунингдек, Термиз шаҳрида гуманитар хаб ташкил этишда мамлакатимиз билан келгусида фаол ҳамкорлик қилишдан манфаатдорлигини билдирган.
Томонлар Афғонистондаги мавжуд вазият, халқаро ҳамжамиятнинг мамлакатдаги янги ҳокимиятга нисбатан умумий позициясини ишлаб чиқиш, Афғонистонда гуманитар инқирознинг олдини олиш юзасидан фикр алмашган.
Тасодифий хабарлар
Саудия Арабистони аҳолиси Ўзбекистоннинг қадимий шаҳарларини зиёрат қилиш истагида – вазир
Президент бир гуруҳ хотин-қизларга давлат мукофотларини топширди
Ана холос! Илон Маскнинг ўғли жинсини ўзгартирди ва аёл киши исмини олди
Наманганда тулки сотувчиси ушланди
Ўзбекистонда ўз кучида қоладиган карантин талаблари маълум қилинди