Вилоят прокурори фуқаролар мурожаатларини назоратга олди

Косонсой туманида вилоят прокурори сайёр қабули бўлиб ўтди.

Прокуратура органлари томонидан сайёр қабуллар ташкил этиш орқали аҳоли билан бевосита мулоқот қилиш борасидаги амалий тадбирлар мунтазам равишда ўтказиб келинмоқда.

Наманган вилоят прокурори Жахонгир Жўраевич Хатамов томонидан бугун Косонсой туманида ўтказилган навбатдаги сайёр қабули бу борадаги тадбирларнинг амалий давоми бўлди.

Тадбирда қатнашган жами 15 нафар фуқаролардан кредит ажратиш, ишга жойлаштириш, алимент ундириш каби мурожаатлар келиб тушди ва уларнинг 2 таси жойида ҳал этилиб, 13 таси бўйича тегишли идораларга муддатлар белгиланиб, топшириқлар берилди.

Мурожаатларни тўлиқ ва белгиланган муддатларда кўриб чиқилиши назоратга олинди.

Наманган вилояти прокуратураси