Тошкент шаҳар Яшнобод туманида рўй берган ЙТҲ ҳақида пойтахт ИИББ ахборот хизмати маълумот берди.
Қайд этилишича, жорий йилнинг 8 октабр куни соат тахминан 07:00 ларда Яшнобод тумани, Уйсозлар 1-тор кўчалари кесишган чорраҳасида, ҳайдовчи 1987 йилда туғилган М. Қодир бошқарувидаги «Мерседес Бенс» русумли давлат рақами 01 155 WБА бўлган йўловчи ташувчи автобусида ҳаракат давомида бошқарувни йўқотиб ушбу чоррахадаги светофор ва йўл ёқасидаги уйга бориб урилиб тўхтаган.
Хабарга кўра, ушбу тўқнашув натижасида тан жароҳати олганлар йўқ. Шунингдек, автобусда фақат ҳайдовчининг ўзи бўлгани айтилган.
Ҳозирда ҳолат юзасидан суриштирув ишлари олиб борилаётгани маълум қилинган хабарда.
Аввалроқ, Тошкент шаҳри Шайхонтоҳур туманида тез тиббий ёрдам автомобили иштирокида ЙТҲ содир бўлгани ҳақида маълумот берган эдик.
Тасодифий хабарлар
ИИВ ЙҲХББ изоҳ берди: Кундузи «фара»ларни ёқиб юриш тартиби фақат автоматик ёритгувчи автомобиллар учун
Тўрақўрғонда "Дамас" автомобилида содир бўлган ёнғин юзасидан маълумот
Ўзбекистон муаммолар туфайли янги савдо йўллари излаяпти – “The Diplomat”
Эртага ҳаво ҳарорати қандай бўлиши айтилди
Наманганда давлат хизматлари маркази ходими 1000 доллар олганда ушланди - манба