Ижтимоий тармоқларда Самарқанд вилоятида ички ишлар ходимлари ва фуқаролар ўртасида жанжал содир бўлгани ҳақида видео тарқалди. Ҳолат юзасидан вилоят ИИБ Матбуот хизмати маълумот берди.
Аниқлик киритилишича, жорий йилнинг 8 август куни соат 23:45 атрофида Самарқанд шаҳар Гўрўғли кўчасида тунги хизматни олиб бораётган ҳодимлар ёнига, шу кўчада яшовчи, 1982 йилда туғилган Д.Муҳиддин маст ҳолатда келиб, ҳеч бир сабабсиз бақир-чақир қилиб, жамиятда ўрнатилган тартиб қоидаларни қасддан менсимай, ИИБ ходимларининг қонуний фаолиятига аралашган.
Фуқарони яқин орадаги ИИБга олиб бориш давомида, у ходимларга фаол қаршилик кўрсатган. Ҳолатга Д.Муҳиддиннинг яқинлари ҳам қўшилиб уни қўйиб юборишларини сўраган.
Мазкур ҳолат қонуний тартибда расмийлаштирилиб, Д.Муҳиддинга нисбатан Ўзбекистон Республикаси Маъмурий жавобгарлик тўғрисидаги кодексининг тегишли моддалари билан маъмурий баённома расмийлаштирилган.
Тасодифий хабарлар
"Apple" ходимлари "iPhone" ишлатишдан қўрқади
Наманганда ижтимоий тармоқ фаоллари боқувчисини йўқотган оилаларга 70 тонна кўмир тарқатди
Ўзбекистон олимлари ўтмишда бир қанча зилзилаларни аниқ башорат қилишган. Нега ҳаммасини башорат қилиб бўлмайди?
Ана холос! Давлат мадҳиясини ички кийимда куйлаган аёл қамалиши мумкин
Ўзбекистонда автомобилларда монитордан фойдаланишга рухсат бериш таклиф қилинди