Тошкент шаҳрининг Учтепа туманида ўзаро урушиб қолган болаларини ажратишга чиққан ота-оналар ўртасида жанжал содир бўлди, деб хабар беради пойтахт ИИББ ахборот хизмати.
Маълум қилинишича, 12 сентябрь куни Учтепа туманида ёш болалар ўзаро жанжаллашиб қолган. Уларни ажратишга чиққан яқинлари 51 ёшли Л.Я., унинг қизи 26 ёшли Д.И. ва 32 ёшли Б.Р. ҳамда унинг турмуш ўртоғи 40 ёшли Ж.Р. ўртасида можаро юзага келган. Катталар бир-бирини ҳақорат қилиб, жамиятда юриш-туриш қоидаларини бузган.
Шундан сўнг Л.Я. Учтепа тумани ИИО ФМБга ариза билан мурожаат қилган. Унинг аризаси юзасидан ўтказилган текширув натижаси бўйича фуқароларнинг барчасига нисбатан Маъмурий жавобгарлик тўғрисидаги кодекснинг 183-моддаси (майда безорилик) билан маъмурий баённома расмийлаштирилган ва ҳужжатлар қонуний қарор қабул қилишлик учун туман судига тақдим этилган.
Шунингдек, таъкидланишича, ўзаро жанжаллашган болалардан ҳеч ким суд тиббий экспертизадан ўтмаган.
Аввалроқ Андижонда мактаб ўқувчиси уч нафар тенгдошини пичоқлагани, Фарғонада пичоқ ва қиличлари бўлган 20 нафарга яқин шахс иштирокида жанжал бўлгани тўғрисида хабар берилганди.
Тасодифий хабарлар
Ўзбек-қозоқ чегарасини демаркациялаш бўйича қонун ратификация қилиниши кутиляпти
10 август куни Наманган вилоятининг айрим ҳудудларида электр энергияси таъминотида вақтинчалик узилиш бўлади
3 яшар болани ўлдирган шахс қамоққа олинди
Сўнгги 5 йилда IT-мутахассиснинг ўртача маоши 15 баравар ошди
Шавкат Мирзиёев Ҳиндистон бош вазири Нарендра Модини 70 ёшга тўлгани билан табриклади