Жаҳон соғлиқни сақлаш ташкилоти (ЖССТ) раиси Тедрос Адханом Гебрейесус дунёда коронавирус инфекцияси тарқалиши билан боғлиқ вазият ёмонлашганини маълум қилди.
«Биз соғлиқни сақлаш соҳасида одамларни фавқулодда вазиятлар шароитида ҳимоя қилишга одатланганмиз, бироқ COVID-19 пандемияси шунчаки фавқулодда ҳолатлар доирасидан чиқиб кетди», — деди у Жаҳон соғлиқни сақлаш ассамблеясининг 73-сессиясидаги нутқида.
Ташкилот раҳбари пандемия бошқа юқумли касалликлар билан қарши курашга салбий таъсир кўрсатаётганини таъкидлаган.
Шунингдек, Гебрейесус COVID-19 вакцинасига «хусусий товар эмас, глобал неъмат» деб қарашга чақирди.
Коронавирус пандемияси қарийб бутун дунёни забт этди. Жами касалланганлар сони 50 миллион кишидан ошиб кетди, улардан 1,2 миллион нафари вафот этди. Энг кўп юқтириш ҳолатлари АҚШ, Ҳиндистон ва Бразилияда қайд этилган.
Тасодифий хабарлар
Россия урушда Эронга ҳарбий ёрдам бериши мумкин
Ўзбекистонда ҳафта охирларига бориб ҳаво ҳарорати яна кўтарилиши кутилмоқда
«Ўзгидромет» кучли ёмғир ва шамолдан огоҳлантирди
Хонанда Шаҳзоданинг турмуш ўртоғи Равшан Йўлдошев вафот этди
Равшан Эрматов Наманганда (фото)