Жаҳонда COVID-19 тарқалиши пандемия бошланганидан бери энг юқори нуқтасига етди. Жаҳон соғлиқни сақлаш ташкилоти мутахассислари шундай хулосага келишди.
Ташкилот хабарига кўра, айниқса 22 апрелда энг юқори кўрсаткич қайд этилган — бир кунда касалланганлар сони 900 минг нафардан ошган.
Энг оғир ҳолат Ҳиндистонда кузатиляпти, кеча, душанба куни 353 минг кишида касаллик топилди. Мамлакатда жами касалланганлар сони 17 млн. нафардан ошган, 195 минг киши вафот этган.
Туркия коронавирус юқтирганлар сони бўйича дунёда олтинчи ўринга кўтарилди (4,6 млн. нафар), 29 апрелдан мамлакат уч ҳафталик карантинга кирмоқда. Россияда эса касалланганлар сони 4,77 млн.га етди.
Эронда ҳам кунлик қайд этилаётган касалланишлар сони тинмай ўсиб боряпти, бир кунда 8 мингдан ортик бемор рўйхатга олнган.
Жанубий Америка мамлакатларида вазият танглигича қолмоқда: Бразилияда бир кунда 70 мингдан ортиқ, Аргентинада — 27 мингдан зиёд, Колумбияда — 20 минг атрофида бемор аниқланган.
«Worldometer» маълумотларига кўра, жаҳонда коронавирус билан касалланганлар жами сони 148 497 686 нафар, вафот этганлар — 3 133 860, соғайганлар — 126 139 884 нафарга етган.
Тасодифий хабарлар
Ўзбекистон Афғонистонга электр энергияси етказиб беришни тиклади
Янгийўлда бегона эркак 8 яшар қизни олиб кетмоқчи бўлди
Намангандаги масжидда ўғрилик содир этилди
Наманган вилояти прокуратураси томонидан сайёр қабул ташкил этилди
Қирғизистонда Президент амалдорлар билан футбол бўйича беллашяпти