Тошкентда озиқ-овқат дўконини ўмарган наманганлик эркакка жиноий иш қўзғатилди

Олмазор тумани ИИО ФМБдан келиб тушган хабарга кўра, 9 август соат 22.50 дан 10 август соат 07.50 гача бўлган вақт ичида номаълум шахс 36 ёшли Азизжон К.га тегишли бўлган озиқ-овқат дўконининг эшигини «отвертка» билан очиб, у ердан 3.000.000 сўмлик маҳсулотлар ва кассадан 1.000.000 сўм ўғирлаб кетган. Кўрилган чоралар давомида ўғриликда гумонланувчи шахс – 42 ёшли Наманган вилоятилик Ғуломжон К. қўлга олинди.

Унга нисбатан Ўзбекистон Республикаси Жиноят кодексининг 169 моддаси 2 қисми («Ўғрилик») бўйича жиноий иш қўзғатилди.