Хоразмда 22 ёшли аёлнинг сурат ва видеоларини интернетга тарқатиш билан қўрқитиб, пул талаб қилган 30 ёшли эркак қўлга олинди. Бу ҳақда ИИВ ҳузуридаги Тергов департаменти хабар берди.
Маълум бўлишича, 30 ёшли Ш.Р. таниши 22 ёшли М.Қ.нинг шахсий ҳаётига оид маълумотларни, фотосурат ҳамда видеоларини ошкор қилиш билан қўрқитиб, маълумотларни тарқатмаслик эвазига 15 миллион 860 минг сўм пул талаб қилган.
Бу пулларни 24 июнь куни соат 19:00 да аёлнинг онаси М.А.дан олаётганида Хоразм вилояти ИИБ ҳамда Бош прокуратура ҳузуридаги ИЖҚК департаменти вилоят бошқармаси ходимлари билан ҳамкорликда ўтказилган тадбир жараёнида ашёвий далиллар билан воқеа жойида қўлга олинган.
Мазкур ҳолат юзасидан Ш.Р.га нисбатан Жиноят кодексининг 165-моддаси 1-қисми (Товламачилик) билан жиноят иши қўзғатилган.
Бироқ 27 июнь куни Ш.Р. М.Қ.дан такроран пул олганлиги аниқланганлиги сабабли у Жиноят кодексининг 165-моддаси 2-қисми «а» (Такроран ёки хавфли рецидивист томонидан содир этилган товламачилик) банди билан гумон қилиниб, процессуал тартибда ушланган.
Дастлабки тергов жараёнида Ш.Р. айбланувчи тариқасида ишда жалб қилиниб, унга нисбатан қамоққа олиш тарзидаги эҳтиёт чораси қўлланилган. Ҳозирда дастлабки тергов ҳаракатлари давом этмоқда.
Тасодифий хабарлар
Украинада бир неча кун ичида тинчлик ўрнатилиши мумкин – Лукашенко
Вазирликларнинг ҳудудий бўлинмалари битта бинога жамланади
Тезкор: Жеки Чан коронавирусга чалингани айтилмоқда
Ўзбекистонда 2 кун давомида нотариуслар фаолият кўрсатмаслиги маълум қилинди
Кувайт амири вафотидан сўнг мамлакатга янги амир тайинланди