АҚШ президенти Дональд Трамп 1 июнда барча штатлар губернаторлари билан телефон орқали суҳбатда улардан мамлакатни қамраб олган норозилик намойишларида “устунлик қилишни” талаб қилди.
“Агар сиз устун бўлмасангиз, унда беҳуда вақт кетказмоқдасиз”, деб айтган Трамп.
Хьюстон полицияси бошлиғи Арт Асеведо CNN телеканалига интервьюда Трампга ушбу сўзлари учун “оғзини юмиш”ни тавсия қилди. Бу ҳақда TheQuint портали хабар берди.
“Менга АҚШ президентига барча полиция бошлиқлари номидан буни айтишга ижозат беринг: илтимос, агар бирор жўяли режангиз бўлмаса, яхшиси оғзингизни юминг”, деб айтган полиция бошлиғи.
“Гап устунлик қилишда эмас, қалблар ва онгларни эгаллашда”, деб қўшимча қилган Асеведо.
У, шунингдек, Трампдан ёшларнинг ҳаётини хавф остига қўймасликни илтимос қилган.
АҚШда афроамерикалик Жорж Флдойнинг ўлимидан кейин бошланган норозиликлар кучайгач, бир неча полициячилар Флойднинг ўлдирилишини қоралаб, намойишчиларга қўшилган. Шунингдек, кўплаб губернаторлар Трампнинг “устунлик қилишга” чақириғини рад этишган.
Бу орада Трамп намойишчиларни уларга қарши ҳарбий куч қўлланишидан огоҳлантирган.
манба: Кун.уз
Тасодифий хабарлар
Ўзбекистонга Қозоғистон орқали Россия газини етказиш кўпайтирилади — Путин
Ўзбекистонликлар 18 ёшни никоҳ учун эрта деб ҳисобламоқда
Жамоатчилик хонанда Жаҳонгир Отажоновнинг лицензиясини олиб қўйишни талаб қиляпти
Путин Украина қарши ҳужумини тўхтатиш учун Шойгуга муҳлат берди — ISW
Ўзбекистонда эмланишдан бош тортганларга қандай йўл тутилади?