Давлат солиқ қўмитаси матбуот хизмати 19 март, пайшанба куни, Ўзбекистонда коронавирус тарқалишининг олдини олиш бўйича республика махсус комиссиясининг навбатдаги йиғилиши бўлиб ўтгани ҳақида хабар берди.
Йиғилишида 19 мартдан бошлаб бутун Ўзбекистон бўйлаб:
- массаж салонлари;
- дискотекалар, дискобарлар;
- болалар ўйин залларининг фаолиятини тўхтатишга қарор қилинди.
«Тадбиркорлик субъектларидан кўрилаётган чора-тадбирларга хайрихоҳ бўлишларини сўраймиз. Ўз-ўзини ҳимоя қилиш учун аҳолига карантин даврида бундай муассасаларга ташриф буюрмасликни тавсия қиламиз.
Ушбу қарор ижроси Давлат солиқ хизмати, ички ишлар органлари ва Ўзбекистон Республикаси Миллий гвардияси томонидан қатъий назорат қилинади», – дейилади қўмита хабарида.
Аввалроқ, Тошкент ҳайвонот боғи коронавирус сабабли ёпилгани ҳақида хабар берилганди.
Маълумот учун, Ўзбекистонда коронавирус инфекциясини юқтириб олганлар сони 23 нафарга етди.
Тасодифий хабарлар
Шавкат Мирзиёев Минскда тантанали кутиб олинди
Доллар курси кетма-кет тушишдан сўнг яна кўтарилди
Исроилдаги ўзбекистонликлар тезкор огоҳлантирилди
Учар йигитларнинг ови бароридан келмади. Улардан жабр кўрган бўлсангиз, хабар беринг
Иссиқ сувнинг ҳароратига қараб пул тўланади