Америка Қўшма Штатлари Давлат котиби Майкл Помпео 2 февраль куни расмий ташриф билан Ўзбекистонга келди.
Ислом Каримов номидаги Тошкент халқаро аэропортида юқори мартабали меҳмонни Ўзбекистон Республикаси ташқи ишлар вазири Абдулазиз Комилов, АҚШнинг Ўзбекистондаги Фавқулодда ва мухтор элчиси Дэниел Розенблюм ва бошқа расмий шахслар кутиб олди.
Икки кун давом этадиган ташриф давомида АҚШ Давлат котиби Ўзбекистон ташқи ишлар вазири билан икки томонлама музокаралар ўтказиши кўзда тутилган. Майкл Помпео ва Абдулазиз Комилов 2018 йил май ойида Вашингтон шаҳрида бўлиб ўтган олий даражадаги Ўзбекистон - АҚШ саммити доирасида эришилган келишувлар бажарилишининг боришини муҳокама қилади, долзарб халқаро ва минтақавий масалалар юзасидан фикр алмашади.
Майкл Помпео эртага, 3 февраль куни Тошкентда «Марказий Осиё – АҚШ» («C5+1») шаклидаги ташқи ишлар вазирлари учрашувида иштирок этади.
У президент Шавкат Мирзиёев қабулида ҳам бўлади.
Тасодифий хабарлар
Хоразмда бутун бошли оиланинг ўлимига қушлар сабабчи бўлган
Ўзбекистонликларнинг ўртача ойлик иш ҳақи маълум бўлди
ДАЛАНИ ЎРТАСИДА, КИЧИК КУЛБАДА ЯШАЁТГАН НАМАНГАНЛИК ОИЛАГА ЁРДАМ КЕРАК!
Эшитиб ёқа ушлайсиз! Мактаб директори Чироқчи туман Халқ таълими бўлими мудирининг «найранглари» ҳақида гапириб берди (видео)
Наманганда шаҳар кенгаши депутатни ҳимоя қилди. Энди ички ишлар ходимларига қонуний чора кўрилиши мумкин