Жорий йилда Қозоғистон Россия газининг Ўзбекистон ва Қирғизистонга транзитини, шунингдек, туркман ва ўзбек газининг Хитойга транзитини оширишни режалаштирмоқда. Бу ҳақда Қозоғистон Энергетика вазири Алмасадам Саткалиев маълум қилди.
“2023 йил октябрь ойида Россия газининг Ўзбекистон Республикасига транзити бошланди. 2023 йилда 1,28 миллиард куб метр ташилган бўлса, жорий йилда бу кўрсаткични 3,8 миллиард куб метрга ва кейинчалик йилига 11 млрд кубометрга етказишни режалаштирмоқдамиз”, дейди Саткалиев ҳукумат йиғилишида.
Шунингдек, унинг сўзларига кўра, Туркманистон ва Ўзбекистон газининг Хитойга транзити “барқарор ўсиш”ни кўрсатмоқда.
Саткалиевнинг айтишича, Қозоғистон жорий йилда транзитни 37,1 миллиард куб метрга оширишни режалаштирмоқда.
Асосий маълумотда таъкидланишича, Хитойга нисбатан ўсиш +1,5 миллиард кубометрни ташкил қилади.
Бундан ташқари, вазирнинг сўзларига кўра, Россия газининг Қирғизистонга транзитини ошириш масаласи муҳокама қилинмоқда.
Тасодифий хабарлар
Россиядан Тошкентга жўнатилган 7 цистерна бензин ўғирлаб кетилди
Марғилонда 19 нафар ҳайдовчи қамоққа олинди
Ҳокимият вакилига қаршилик кўрсатганлик учун жазо кучайтирилади
2 ёшли ўғлини 2500 долларга сотмоқчи бўлган аёл қўлга олинди
“Bloomberg” Россия Украина чегараси яқинида қўшинларини тўплашда давом этмоқда