«РИА Новости»нинг ёзишича, АҚШ президентлигига номзод миллиардер Майкл Блумберг америка етакчиси Дональд Трампдан қутулиш учун ҳамма пулини сарфлашини маълум қилди.
Forbes.com: Майкл Блумберг дунё бойлари рейтингида ўзининг 58,4 млрд АҚШ доллари билан 9-ўринни эгаллаган.
«Асосий мақсадим — Дональд Трампдан қутулиш. Трампдан халос бўлиш учун ҳамма пулимни сарфлайман... Нимани хоҳлаяпсиз, кўп пул сарфлашимни ёки кам?» — дейди Блумберг «Рейтер» агентлигига берган интервьюсида.
Блумберг ноябрда сайловолди пойгасига қўшилди ва, ОАВнинг хабарига кўра, телевизион рекламага қарийб 200 миллион доллар сарфлади. Блумберг Трампнинг фаол рақибларидан бири ҳисобланади ва сайловда уни енгишини ваъда бермоқда. Бироқ демократлардан ягона номзодини кўрсатиш учун, биринчи навбатда, партия ичидаги сайловда (праймериз) овоз берувчилар, кейин эса июлда партия кенгаши вакилларининг аксарияти қўллаб-қувватлаши зарур. Ҳозир бу масалада Блумберг партиядошлари орасида бешинчи ўринда бормоқда. Бу борада етакчи Жо Байдендан қарийб 20 фоиз орқада қолмоқда.
АҚШ президентлигига сайловлар 2020 йил 3 ноябрда ўтказилади.
Тасодифий хабарлар
200 кВтгача бўлган меъёр миқдори оширилишига асос йўқ — Энергетика вазирлиги
Уйчи туманида вилоят суди томонидан сайёр қабул ўтказилди
Мирзиёев Россияда. Президент Кремлга йўл олди
«Қозоғистон Россияга қарши санкциялар режимига амал қилади» – Тўқаев
Алкоголь истеъмоли бўйича дунё рейтинги эълон қилинди. Унда Ўзбекистон нечанчи ўринда?