Тошкентда автокран ёниб кетди, ҳайдовчи воқеа жойида ҳалок бўлди

Тошкентда автокран ёниб кетди, ҳайдовчи воқеа жойида ҳалок бўлди

Сергели туманидаги 8-сонли қурилиш участкасида автокран аланга олди.

 Сергелида туманидаги қурилишда юз берган ёнғинда бир киши ҳалок бўлди. Бу ҳақда Тошкент шаҳар Ёнғин хавфсизлиги бошқармаси хабарқилмоқда.

“12.07.2019 йил куни соат 11:49да, Сергели тумани, 8-сонли қурилиш участкасида автокран ёнган. Ёнғин ўчириш жанговар бўлинмалари чақирилган манзилга соат 12:00да етиб борган ва кўрилган тезкор чора ва ҳаракатлар натижасида ёнғин соат 12:34 ўчирилган. Ёнғин жойига 2 та ёнғин ўчириш техникаси жалб қилинган”, - дейилади хабарда.

Электр жароҳати оқибатида автокран ҳайдовчиси вафот этган.

Ёнғин автокран ўқини (стрела) юқори кучланишдаги электр симларга тегиши оқибатида содир бўлгани тахмин қилинмоқда.

Ҳозирда ёнғиндан келтирилган моддий зарар миқдори аниқланмоқда.

Эслатиб ўтамиз, аввалроқ Қашқадарёда “КАМАЗ” тиркамасида ёнган сомон бир кишининг умрига зомин бўлгани хабар қилинган эди.

×