Биринчи босқичда 9 гектар майдонда океанариум, амфитеатр, кинотеатр, кўнгилочар ўйингоҳ, эртакнамо қаср, мусиқали фаввора, автомобиллар тураргоҳи қурилади. Ўзбекистон президенти Шавкат Мирзиёев Алишер Навоий номидаги Ўзбекистон Миллий боғида амалга оширилаётган ишлар билан танишди. Бу ҳақда Президент матбуот хизмати хабар бермоқда. Бу ерда замонавий маданият ва истироҳат боғи барпо этилмоқда. Вазирлар Маҳкамасининг 2017 йил 4 сентябрдаги қарори асосида бунёдкорлик ишлари икки босқичда амалга оширилмоқда. Биринчи босқичда 9 гектар майдонда океанариум, амфитеатр, кинотеатр, кўнгилочар ўйингоҳ, эртакнамо қаср, мусиқали фаввора, автомобиллар тураргоҳи қурилади. Иккинчи босқичда 12 гектар ҳуддудда мавзули парк, болалар учун автодром ва аттракционлар, аквапарк бунёд этилади. Шунингдек, кафе ва ресторанлар, савдо дўконлари ташкил қилинади. Ҳаво мусаффолигини таъминлаш мақсадида каштан, қарағай, япон софораси, магнолия, эман, қайин каби дарахтлар экилади. Истироҳат боғи тўлиқ модернизация қилингач, бир кунда 10 минг кишигача хизмат кўрсатиш имконияти яратилади. Бу аҳолининг мазмунли ҳордиқ чиқаришини таъминлаш билан бирга Тошкент шаҳрининг туристик жозибадорлигини ҳам оширади. Давлат раҳбари истироҳат боғининг йил давомида ишлашини таъминлаш, одамлар оилавий дам олиши учун кенг имконият яратиш бўйича кўрсатмалар берди. Боғда Самарқанд, Бухоро, Хива каби шаҳарларидаги қадимий обидалар макетини ўрнатиб, ёшлар ва сайёҳларнинг Ўзбекистон тарихига қизиқишини ошириш муҳимлиги таъкидланди. Шу ерда Тошкент шаҳри туманлари ҳокимлари билан мулоқот бўлди.
Тасодифий хабарлар
UzAuto Motors камроқ автомобиль сотиб, кўпроқ фойда олаётгани маълум бўлди
«Бу ҳозир ҳеч кимга қизиқ эмас» — ССВ
Қўқондан Тожикистонга автобус қатнови йўлга қўйилди
Мирзиёев оиласи билан сайлов участкасига келди.
Хушхабар! Ўзбекистонда яна 4 нафар бемор бутунлай тузалди (ФОТОГАЛЕРЕЯ)